*النوع الاول
هو اللي يستغل وقته ويرتب سيارته ويفتح دروج السياره ويقطع في الفواتير ويرميها في الشارع وفجأه ماتدري الا وهو ناقز الكرسي اللي ورى ولا تستغرب اذا شفته ناط في شنطة السياره ( الريال مرتب ) وتنفتح الاشاره والاخ مشغول في التنظيف.



*النوع الثاني
وهو اللي توه يكتشف ان وجهه محتاج تنظيف وصنفره ويسحب المنديل وعلى خشمه واذا خلص بند السياره عشان ينظف اذنه بالمفتاح وشوي ويقص اظافر يده وماتدري الا وهو رافع ريله يقصقصها هذا اذا كان معاه مقراض (مقص اضافر) واذا مامعاه فالحل موجود طبعا يقص اظافرة بواسطة اسنانه (قمة النظافة) !!!!!!



*النوع الثالث
وهو اكثر واحد يفرح اذا وقف عند الاشاره عشان يستعرض ويرقص هو وربعه ويرقصون السياره معاهم.



*النوع الرابع
وهو عكس اللي قبله وهو اللي يشغل شريط أغاني حزيييينه
وانواع القلق والحزن والتفكير وطبعا الاغنيه من كثر ماهي حزينه وقديمه ويكون وجهه موّرم من الصياح وكثر الاحزان



*النوع الخامس
مايسمع اغاني وما تسمع غير هواشه وتلعينه على عياله اللي مالين عليه السياره وماتدري الا وهو ساحب العقال (اذا كان لابس جينز فيه حزام اقوى من العقال)
ومخرب الشخصيه (يستعمل اساليب التربيه الحديثه) ويشوي الا صافق عياله بقوطي فاين ( كلينكس)



*النوع السادس
نادر عندنا الحمدلله
وهو اللي يستغل الوقت ويجلس يشخص ويرش عطر وشوي يحط روج ومعلق الايفرون في اذنه ومشغل شريط انجليزي يابلفيت يسمع غربي وانواع الطماشه في السيارات اللي حذاه.



*النوع السابع
وهو اللي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والشبس بيد والشاورما في حضنه والفطاير حذاه والبيتزا في السيت اللي ورى .



*النوع الثامن
وهو اللي تحس انه ماعنده وقت ابد ودايم انيق ولابس نظاره وخاتم ومبحلق في الجريده ومسوي زحمة في الشارع واللي حذاه طفشان منه وميود الجوال وهاتها بلوتوث ومسجات للعالم.



*النوع التاسع والاخير
وهو اللي سيارته زحمه مب من الناس؟! لاااااااا لكن لا مخلي ثوب ولا غتره ولا بدله ولا نعال الله يكرمكم الا ومركبها معه عشان يكون تبديل الملابس اسرع عند الاشاره (استغلال لوقته الذهبي) حتى اللحاف يايبه ويــاه تعرفون الريـال مشغووول طول يومه.