الدخول الى عالم الطيران اللاسلكي

**Z.R.N** · 04-13-2008, 11:19 PM

السلام عليكم اخواني الاعضاء

اليوم راح اتكلم عن الطيران اللاسلكي

ومراحلها والاشياء الي لازم الطيار يشتريها

اول شئ

ريموت كنترول الطياره ولازم تكون من الانواع الجيده

وافضل شركتين للريموت هي JR و Futaba

صندوق الادوات

جهاز Starter لتشغيل الطياره

والـ Glo-Starter والجهاز يركب فوق المكنيه لتوليد شراره الاحتراق

وبعد مانشتري هذي الاشياء

نشتري الطياره المناسبه

طبعا أفضل انواع طيارات لمرحلة التدريب وعقب التدريب

والطيارتين من شركة world models

طيارة ال سوبر سبورت وحجم محركها 46 تو ستروك

الطياره الثانيه T34 حجم محركها 46 تو ستروك

والطياره هذي انصح بها بشده لانها من اروع الطيارات

من حيث ثباتها في الطيران و الهبوط

وانا عندي هذي الطياره واغلب الشباب في قطر عندهم هذي الطياره

هذي صورة المحرك 46 os

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

المرحله الاولى هذي لدخول عالم الطيران اللاسلكي

الحين نتعرف على انواع الحرفنه في عالم الطيران

طبعاً كل واحد راح يركز على مجال واحد من المجالات الي

بنذكرها عشان يستوي حريف

عندك مجال ال باترن الي هي العروض الجويه و احله طيارتين في هالمجال

tiji 60 / ومحركها 120 فور ستروك

والطياره الثانيه zen 90 / ومحركها 120 فور ستروك

وفي منها zen 120 /ومحركها 200 فور ستروك

طبعاً احسن انواع المحركات للطيارات الي هي OS

و هذي صورة المحرك os 120 فور ستروك

التدريب على طيران ال ثري دي ومراحله طياره للتدريب

fun world /ومحركها 120 فور ستروك

عقب التدريب على ال ثري دي

جه وقت الصج

هذي بعض أنواع طيارات ال ثري دي ومحركاتها جازولين

طبعاً كل طياره تركب عليها المكينه على حسب حجمها اكسترا

صوره لطائره الياك yak

كاتانا katana

طبعاً من افضل انواع المحركات ( DA )

صوره لمكينه DA cc 50

cc100

عالم السرعه

في وايد انواع طيارات السرعه الصوره المتوفر عندي p51 mustang

تركب عليها مكاين ( جتي ) او ( نوفاروسي )

صورة مكينة ( جتي )

الطيارات النفاثه

ماقدر اتكلم في الطيارات النفاثه لاني ما دخلت مجالها لانها محتاجه $$

هذي بعض الصور

هذي صورة النفاثه

تنحسب حجمها بالـ كيلو منها 90كيلو/120كيلو/160كيلو

واسمحوا لي اذا طولت عليكم

وموضوعي القادم راح يكون عن السيارات وصيانتها وتزويدها